നിയമങ്ങളും നിബന്ധനകളും

ഭാരതിരാജ സ്കോളർഷിപ്പ്: കഴിഞ്ഞ അദ്ധ്യയന വർഷത്തിൽ (2025-26) പത്താം ക്ലാസ്സിലും പന്ത്രണ്ടാം ക്ലാസ്സിലും തമിഴ്നാട്ടിൽ പഠിച്ച്, വാർഷിക പരീക്ഷയിൽ ഏറ്റവും ഉയർന്ന മാർക്ക് നേടിയ മലയാളി കുട്ടികൾക്ക്, യശ:ശ്ശരീരയായ സാമൂഹ്യ പ്രവർത്തക ഭാരതിരാജയുടെ ഓർമ്മക്കായ്‌ ഏർപ്പെടുത്തിയിട്ടുള്ള സ്കോളർഷിപ്പിന് പരിഗണിക്കേണ്ട വിദ്യാർത്ഥികളുടെ അപേക്ഷയും സർട്ടിഫിക്കറ്റിന്റെ പകർപ്പും 2026 ആഗസ്റ്റ് 7-ന് മുൻപ് മുകളിലുള്ള ഓൺലൈൻ ഫോം പൂരിപ്പിച്ച് അപേക്ഷിക്കണം. (ഒറിജിനൽ പേപ്പർ സർട്ടിഫിക്കറ്റിന്റെ സ്കാൻ ചെയ്ത ഫോട്ടോ ആണ് അപ്‌ലോഡ് ചെയ്യേണ്ടത്. സ്ക്രീൻഷോട്ട്/ഡിജിറ്റൽ കോപ്പി സ്വീകരിക്കുന്നതല്ല.)

എം.എ. എബ്രഹാം സ്മാരക സ്കോളർഷിപ്പ്: കഴിഞ്ഞ അദ്ധ്യയന വർഷത്തിൽ (2025-26) പത്താം ക്ലാസ്സിലും പന്ത്രണ്ടാം ക്ലാസ്സിലും തമിഴ്നാട്ടിൽ പഠിച്ച്, മലയാള ഭാഷയിൽ ഏറ്റവും ഉയർന്ന മാർക്ക് നേടിയ മലയാളി കുട്ടികൾക്ക് യശ:ശ്ശരീരനായ വ്യവസായിയും, സാമൂഹ്യ പ്രവർത്തകനും, സി.ടി.എം.എ-യുടെ സമുന്നത നേതാവുമായിരുന്ന എം. എ. എബ്രഹാമിന്റെ സ്മരണാർത്ഥം ഏർപ്പെടുത്തിയിട്ടുള്ള സ്കോളർഷിപ്പിന് പരിഗണിക്കേണ്ട വിദ്യാർത്ഥികളുടെ അപേക്ഷയും സർട്ടിഫിക്കറ്റിന്റെ പകർപ്പും 2026 ആഗസ്റ്റ് 7-ന് മുൻപ് മുകളിലുള്ള ഓൺലൈൻ ഫോം പൂരിപ്പിച്ച് അപേക്ഷിക്കണം. (ഒറിജിനൽ പേപ്പർ സർട്ടിഫിക്കറ്റിന്റെ സ്കാൻ ചെയ്ത ഫോട്ടോ ആണ് അപ്‌ലോഡ് ചെയ്യേണ്ടത്. സ്ക്രീൻഷോട്ട്/ഡിജിറ്റൽ കോപ്പി സ്വീകരിക്കുന്നതല്ല.)

പൂക്കളമത്സരം

1. സി.ടി.എം.എ അംഗസംഘടനകളെ പ്രതിനിധീകരിക്കുന്ന ടീമുകളാണ് പൂക്കളമത്സരത്തിൽ പങ്കെടുക്കേണ്ടത്.
2. ഒരു ടീമിൽ പരമാവധി 5 പേരിൽ കൂടുതൽ അംഗങ്ങൾ ഉണ്ടാവാൻ പാടില്ല. ഒരു സംഘടനയിൽ നിന്നും ഒരു ടീമിനെ മാത്രമേ പരിഗണിക്കൂ.
3. രജിസ്ട്രേഷനുള്ള അവസാനതീയതി 2026 ആഗസ്റ്റ് 20 ആണ്.
4. രജിസ്റ്റർ ചെയ്തവരിൽനിന്നും മത്സരത്തിനുള്ള ടീമുകളെ തെരഞ്ഞെടുക്കാനുള്ള അധികാരം സംഘാടകരിൽ നിക്ഷിപ്തമായിരിക്കും.
5. പൂക്കളം ഒരുക്കുന്നതിന്, ഒരു ടീമിന് 2X2 മീറ്റർ വിസ്തീർണ്ണമുള്ള (4 SQ. METER) സ്ഥലം അനുവദിക്കും. പൂക്കളത്തിന്റെ വ്യാസം കൃത്യം 6 അടിയിൽ (6 feet) അധികമാവരുത്.
6. പ്രകൃതിദത്തമായ പൂക്കളും ഇലകളും മാത്രമേ മത്സരത്തിന് ഉപയോഗിക്കാവൂ. മണൽ, ഉപ്പ്‍, കൃത്രിമ കളർ പൊടികൾ തുടങ്ങിയവ ഉപയോഗിക്കാൻ പാടില്ല.
7. പൂക്കളത്തിന്റെ രൂപരേഖ വരക്കുവാൻ ചോക്ക്, മാർക്കർ പേന, സ്കെച്ച്‍ പേന, പെൻസിൽ എന്നിവ ഉപയോഗിക്കാം. പൂക്കളം വരക്കുവാനായി മുൻകൂട്ടി തയ്യാറാക്കിയ സ്റ്റിക്കറുകളോ, ടെംപ്ലേറ്റുകളോ ഉപയോഗിക്കരുത്.
8. പൂക്കളം അലങ്കരിക്കാനായി കുത്തുവിളക്ക്, നിറപറ, ചിരാതുകൾ മുതലായവ ഉപയോഗിക്കരുത്.
9. മത്സരസമയത്ത്‍ അച്ചടക്കവും നിശ്ശബ്ദതയും പാലിക്കേണ്ടതാണ്.
10. പൂക്കൾ തയ്യാറാക്കുന്നതിനും മറ്റുമായി പ്രത്യേക സ്ഥലം അനുവദിക്കുന്നതാണ്.
11. പൂക്കളം ഒരുക്കിയതിനുശേഷം, പരിസരം വൃത്തിയാക്കുന്നതിനായി എല്ലാ ടീമിനും 5 മിനിട്ട് സമയം അനുവദിക്കുന്നതാണ്.
12. ശേഷം വിധികർത്താക്കളുടെ വിലയിരുത്തലുകൾക്കായി ടീമുകൾ എല്ലാം മത്സരസ്ഥലം ഒഴിഞ്ഞു കൊടുക്കേണ്ടതാണ്.
13. പൂക്കളത്തിന്റെ അടുത്തായി, സംഘാടകർ നൽകുന്ന നമ്പർ കാർഡ് നിർബന്ധമായും പ്രദർശിപ്പിക്കേണ്ടതാണ്.
14. വിധിനിർണ്ണയവേളയിൽ സംഘടനയുടെയോ വ്യക്തികളുടെയോ പേരു വെളിപ്പെടുത്തുന്ന രീതിയിലുള്ള അടയാളങ്ങളൊന്നും തന്നെ പൂക്കളത്തിനടുത്ത്‍ ഉണ്ടാകുവാൻ പാടില്ല.
15. വിലയിരുത്തലുകൾക്കായി ഏകദേശം 2 മണിക്കൂർ സമയം എടുക്കുന്നതാണ്. അന്നേദിവസം തന്നെ മത്സരഫലം പ്രഖ്യാപിക്കുന്നതും, സമ്മാനവിതരണം നടത്തുന്നതുമാണ്. ഒന്ന്, രണ്ട്, മൂന്ന് സ്ഥാനങ്ങൾ നേടുന്ന വിജയികൾക്ക് സമ്മാനങ്ങൾ നല്‍കും.
16. മേൽപ്പറഞ്ഞ നിയമങ്ങളിൽ മാറ്റം വരുത്തുവാനോ, മത്സരത്തിന്റെ മറ്റേത് കാര്യങ്ങളിലും അന്തിമ തീരുമാനം എടുക്കാനോ സി.ടി.എം.എ ആവണിപ്പൂവരങ്ങ്‍ 2026 സംഘാടകസമിതിക്ക് അധികാരം ഉണ്ടായിരിക്കും.
17. പൂക്കളമത്സരം നടത്തുന്ന തീയതി, സമയം, സ്ഥലം: സെപ്റ്റംബർ 12 ശനിയാഴ്ച രാവിലെ 8 മണി മുതൽ. പൂനമല്ലി റോഡിലുള്ള മദ്രാസ് കേരള സമാജത്തിൽ വച്ച്.
18. പരമാവധി മത്സരസമയം: 3 മണിക്കൂർ

കെട്ടുകാഴ്ച
കേരളത്തിന്റെ സാംസ്ക്കാരിക പൈതൃകം വിളിച്ചോതുന്ന കലാരൂപങ്ങളും വേഷപ്പകർച്ചകളും ഫ്ളോട്ടുകളുടെ രൂപത്തിൽ അവതരിപ്പിക്കുകയാണ് കെട്ടുകാഴ്ചയിലൂടെ. ചെന്നൈയിലുള്ള അംഗസംഘടനകൾ എല്ലാവരും കഴിവതും കെട്ടുകാഴ്ചയിൽ പങ്കെടുക്കണം. ഒരു സംഘടനയിൽ നിന്നും ഒരു ടീമിനെ മാത്രമേ പരിഗണിക്കൂ. കെട്ടുകാഴ്ചക്ക് കൊഴുപ്പേകാൻ വാദ്യമേളങ്ങളുടെ അകമ്പടിയുമുണ്ടാകും. കെട്ടുകാഴ്ചയില്‍ അവതരിപ്പിക്കാനുദ്ദേശിക്കുന്ന ഫ്ളോട്ടുകളുടെ പ്രത്യേകതകളും ചരിത്രവും സംഘാടക സമിതിയെ അറിയിക്കണം. ഏറ്റവും ആകർഷകമായ ഫ്ളോട്ട് അവതരിപ്പിക്കുന്ന മൂന്ന് അംഗസംഘടനകൾക്ക് സമ്മാനങ്ങൾ നല്‍കും. രജിസ്ട്രേഷനുള്ള അവസാനതീയതി 2026 ആഗസ്റ്റ് 25 ആണ്.